ଭାତରେ ପାଣି ମିଶାଇ ତିଆରି କରାଯାଉଥିବା ପଖାଳ ଏକ ନିତିଦିନିଆ ସୁସ୍ୱାସ୍ଥ୍ୟକର ଓଡ଼ିଆ ଖାଦ୍ୟ । ଏହା ଖରା ଦିନରେ ଦେହରେ ତାତି କମାଇବା ପାଇଁ ତଥା ପେଟ ଗରମ ଓ ଦେହରେ ପାଣି କମିଯିବା ଭଳି ରୋଗର ପ୍ରତିକାର ନିମନ୍ତେ ଏକ ଉପାଦେୟ ଖାଦ୍ୟ । ପାଣି ଯୁକ୍ତ ଏହି ଭାତକୁ ପଖାଳ କୁହାଯାଏ ଓ ଏହାର ପାଣିକୁ ତୋରାଣି କୁହାଯାଏ । କିପରି ପ୍ରସ୍ତୁତ କରିବେ ଦହି ପଖାଳ ଭାତ.......
ଆବଶ୍ୟକ ସାମଗ୍ରୀ :
· ଭାତ (୧ପାତ୍ର)
· ପାଣି (୨ ପାତ୍ର)
· ଦହି (୧ କପ)
· ସୋରିଷ (୧ ଚାମଚ)
· ଭୃଷଙ୍ଗ ପତ୍ର (୧୦ ଟି)
· ଲୁଣ (ସ୍ଵାଦ ଅନୁସାରେ)
· ଶୁଖିଲା ଲଙ୍କା (୧ ଟି)
· ଆମ୍ବକଷିଆ ଅଦା ଛେଚା (ଅଳ୍ପ)
· ତେଲ (୧ ଚାମଚ)
ପ୍ରଣାଳୀ :
- ପଖାଳ ଭାତ ପାଇଁ ୧ ପାତ୍ର ଭାତରେ ୨ ପାତ୍ର ପାଣି ମିଶାନ୍ତୁ । ଯଦି ବାସି ପଖାଳ କରିବା ପାଇଁ ଚାହାନ୍ତି ତାହାଲେ ଭାତରେ ପାଣି ମିଶାଇ ୬ ରୁ ୮ ଘଣ୍ଟା ପାଇଁ ରଖିବେ ।
- ଗୋଟିଏ କଡେଇକୁ ଧିମା ଆଞ୍ଚରେ ବସାନ୍ତୁ, ଗରମ ହେଲା ପରେ ୧ ଚାମଚ ତେଲ ପକାଇ ସେଥିରେ ୧ ଚାମଚ ସୋରିଷ, ଭୁର୍ସଙ୍ଗ ପତ୍ର , ଶୁଖିଲା ଲଙ୍କା ପକାଇ ଭାଜି ଦିଆନ୍ତୁ । ସେଥିରେ ଅଧ କପ ପାଣି ପକାଇ ଅତି ଧିମା ଆଞ୍ଚରେ କିଛି ସମୟ ରଖି ବାହାର କରି ଦିଅନ୍ତୁ ।
- ଥଣ୍ଡା ହୋଇଗଲା ପରେ ସେଥିରେ ଦହି , ଛେଚା ଅଦା , ପଖାଳ ଭାତକୁ ଭଲରେ ମିଶାଇ ସେଥିରେ ସ୍ଵାଦ ଅନୁସାରେ ଲୁଣ ପକାନ୍ତୁ ।
- ଏଥର ତିଆରି ହୋଇଗଲା ଆପଣଙ୍କର ଦହି ପଖାଳ, ଖାଆନ୍ତୁ ଓ ଖୁଆନ୍ତୁ....
|
Get free daily email updates! |
Follow us! 
|
0 comments:
Post a Comment